ბლოგი 5 – ყველაფერი პროტეინის შესახებ

Share on facebook
Share on google
Share on twitter
Share on linkedin

ცილა ყველაზე მნიშვნელოვანი საკვები დანამატია

შეიძლება ითქვას, რომ ვარჯიშის დროს ცილა, ანუ პროტეინი, ყველაზე მნიშვნელოვანი საკვები დანამატია. ჩვენ კიდევ ერთხელ ვუბრუნდებით ამ თემას და დღევანდელ ვლოგში ვრცლად განვიხილავთ რა არის პროტეინი, რატომ არის პროტეინის მიღება მნიშვნელოვანი და რა რაოდენობით უნდა მივიღოთ ის. ველოდებით თქვენს კომენტარებსა და გამოხმაურებებს

რა არის პროტეინი?                                             

პროტეინები ანუ ცილები, ბუნებრივი ორგანული ნაერთებია, რომლებიც  ცხიმებთანნახშირწყლებთან და ნუკლეინის მჟავებთან  ერთად ცოცხალ არსებათა შემადგენელი აუცილებელი ქიმიური კომპონენტებია. ალბათ ყველას გსმენიათ პროტეინზე, როგორც კუნთოვანი ქსოვილების ძირითად საშენ მასალაზე, თუმცა პროტეინი ბევრად მეტია, ვიდრე მხოლოდ საშენი მასალა. ცილები მნიშვნელოვან როლს ასრულებენ იმუნური სისტემის მუშაობასა და შენარჩუნებაში, ასევე მეტაბოლურ პროცესებში და ა.შ. როდესაც ვიღებთ პროტეინს საკვების სახით, ის იშლება პატარა ნაწილაკებად ამინომჟავებად. სულ 500-მდე ამინომჟავაა ცნობილი, თუმცა მათგან მხოლოდ 20 გამოიყენება ადამიანის ორგანიზმის მიერ ცილების ბიოსინთეზში. 21-ე პროლინი იმინომჟავაა. პროტეინების სინთეზი ხდება სხეულის ყველა ქსოვილებში, რომელთაგან ყველაზე აქტიური გახლავთ ღვიძლი და კუნთები. სხეულში სინთეზირდება დაახლოებით 300 გრამი პროტეინი ყოველდღურად, მიუხედავად იმისა, რომ საშუალოდ დღიური მოხმარება 70 გრამს შეადგენს. ადამიანის ორგანიზმს შეუძლია 20-დან 11 ამინომჟავის წარმოება, ხოლო დარჩენილი 9, რომელსაც შეუცვლელი ამინომჟავები ეწოდება, აუცილებლად უნდა მიიღის საკვებთან ერთად. ესენია: ჰისტიდინი, იზოლეიცინი, ლეიცინი, ლიზინი, მეთიონინი, ფენილალანინი, თრეონინი, ტრიფტოფანი, ვალინი. საკვებს, რომელიც შეიცავს ამ 9 ძირითად ამინომჟავას ეწოდება „სრული პროტეინი“. ადამიანის სხეული ყველაზე ეფექტურად იღებს ცხოველური წარმოშობის პროტეინებს, ისეთი პროდუქტებიდან, როგორიცაა ძროხის, ღორის და ქათმის ხორცი, კვერცხი და რძე. მცენარეული წარმოშობის პროტეინების უმრავლესობა შეიცავს მცირე რაოდენობით ამინომჟავებს, განსაკუთრებით ლეიცინს, რომელიც გადამწყვეტ როლს ასრულებს კუნთოვანი სისტემის შენებაში. მცენარეული წარმოშობის პროდუქტებიდან გამონაკლისია სოი, ბარდა და ბრინჯი.

რატომ არის პროტეინის მიღება მნიშვნელოვანი?

მარტივი ენით, რომ ავხსნათ წარმოიდგინეთ, რომ საჭმლის მონელების დროს ცილა იშლება ამინომჟავებად, რომლებიც ორგანიზმში გროვდება ამინომჟავების პლაზმურ აუზში და მიეწოდება ორგანიზმს სისხლის ცირკულაციის პროცესში. ანუ ეს პლაზმური ბასეინი მუდმივად ამარაგებს ჩვენს უჯრედებს საჭირო რაოდენობის ამინომჟავებით. ამინომჟავები მონაწილეობენ ისეთი მნიშვნელოვანი მოლეკულების შექმნაში, როგორიცაა ფერმენტები, ჰორმონები, ნეიროტრანსმიტერები და ანტისხეულები, შესაბამისად პროტეინის ადექვატური რაოდენობის მიღების გარეშე. ჩვენი სხეული კარგად ვერ იფუნქციონირებს.

ცილა ასევე მონაწილეობს უჯრედების ზრდისა და აღდგენის პროცესში.

ცილა ხელს უწყობს გლუკაგონის ჰორმონის ნორმალურ ფუნქციონირებას, რაც თავის მხრივ ხელს უწყობს ორგანიზმში ზედმეტი ცხიმის წარმოქმნის კონტროლს

ცილას ასევე აქვს უნარი დაეხმაროს ორგანიზმს ცხიმოვანი მასისგან განთავისუფლებაში. მარტივად, რომ ავხსნათ პროტეინი აწვდის საწვავს უჯრედებს და აიძულებს ცხიმს გააკეთოს რაღაც სასარგებლო ორგანიზმისთვის.

მემგონი საკმარისზე მეტი მიზეზი ჩამოვთვალეთ იმისთვის, რომ მივხვდეთ რა მნიშვველოვანია პროტეინი ორგანიზმის ნორმალური ფუნქციონირებისათვის. დაგვრჩა დოზირების საკითხის გარკვევა.

რა რაოდენობით უნდა მივიღოთ პროტეინი?

პროტეინის დღიური ნორმა დამოკიდებულია სხვადასხვა ფაქტორზე, თუმცა ერთ-ერთი ყველაზე მნიშვნელოვანი ფაქტორია ორგანიზმის ფიზიკური აქტიურობის დონე. ზრდასრული ადამიანისათვის პროტეინის დღიურ ნორმად განსაზღვრულია 0,8 გრამი სხეულის წონის თითოეულ კილოგრამზე, ანუ 70 კილო წონის ადამიანი მოიხმარს  56 გრამ ცილას დღიურად. თუმცა ეს არ არის პროტეინის ოპტიმალური რაოდენობა, იმ ადამიანებისათვის ვინც ძალოვანი ვარჯიშით არიან დაკავებული. რაც მეტი ფიზიკური დატვირთვა აქვს ორგანიზმს მით მეტი ცილოვანი საკვები ჭირდება. ინტენსიური ვარჯიშის დროს პროტეინის დღიურ ნორმად განსაზღვრულია 1,4 -2 გრამი სხეულის წონის თითოეულ კილოგრამზე, ანუ 70 კილო წონის ადამინი მოიხმარს 140 გრამამდე პროტეინს დღიურად.

მაგრამ ჩვენ გვჭირდება მეტი პროტეინი! დოზები რაც ჩამოვთვალეთ აუცილებელია სხეულის ნორმალური ფუნქციონირებისათვის. სხვანაირად რომ ვთქვათ მცირე დოზები საკმარისია იმისათვის, რომ გადავრჩეთ, მაგრამ იმისათვის რომ კარგად ვიყოთ აუცილებელია მეტი. მეტი ნიშნავს იმუნური სისტემის კარგ ფუნქციონირებას, ჯანსაღ მეტაბოლიზმსა და წონის კონტროლს.

რას გვთავაზობს ლაიფსტაილ ფიტნეს კლუბი?

ბლოგს ვასრულებთ ხარისხიანი ევროპული წარმოების პროტეინების ჩამონათვალით, რომელსაც ლაიფსტაილ ფიტნეს კლუბი გთავაზობთ. ლაიფსტაილ ფიტნეს კლუბში შეგიძლიათ შეიძნოთ, როგორც შრატის კონცენტრატით ასევე შრატის იზოლატით დამზადებულ პროტეინის ფხვნილები. განსაკუთრებული ჩვენს პროდუქციაში არის ის, რომ შრატის კონცენტრატს Milky Shake Whey დამატებული აქვს დო, ხოლო პროდუქტში Light Whey ინოვაციური ფორმულის წყალობით ლაქტოზის შემცველობა მინიმუმამდეა დაყვანილი. აღნიშნული პროდუქტები არ შეიცავს ასპარტამსა და გლუტენს. შრატის იზოლატის პროტეინის ფხვნილია Whey Isolate, რომელიც გამოირჩევა იდეალურთან მიახლოებული ამინომჟავების სტრუქტურით.